ಓ ಜೀವ

ಓ ಜೀವ ಎಲ್ಲಿರುವೆ
ನಿನ್ನನೇ  ಹುಡುಕುತಿರುವೆ

ಯಾರ ಕಣ್ಮುಂದೆ ಕಾಣಿಸುವೆ
ಯಾರ ದಿವ್ಯ ದೃಷ್ಟಿಗೆ ಸಿಲುಕಿರುವೆ

ನೀ ಬಂದಾಗ ಬಳಿಗೆ
ಅದು ಸಂತೋಷದ ಘಳಿಗೆ
ನೀ ಹೊರಟು  ಹೋದಾಗ
ಅದೇ ನಮ್ಮ ಕೊನೆ ಘಳಿಗೆ

ತಿಳಿದಿಲ್ಲ ನಾವು ನಿನ್ನ ಮೂಲ
ಈ ಜೀವನವೇ  ನಿನ್ನ ಸಾಲ

ನೀ ಎಲ್ಲಿರುವೆ
ನಾ ತಿಳಿದಿರುವೆ

ಅವಿತಿರುವೆ  ದೇಹದೊಳಗೆ
ಹೃದಯದಲಿ ಅರಳಿರುವೆ
ರಕ್ತದ ಕಣ ಕಣದಲಿ ಕರಗಿರುವೆ

ಈ ಜೀವನಕೆ ಜೀವವಾದೆ 

ಭಾಷೆಗೆ ಅರ್ಥವಾದೆ 

ಸಂಗೀತಕೆ ರಾಗವಾದೆ 

ಹರಿಯುವ  ನೀರಿಗೆ  ವೇಗವಾದೆ 

ಹಾರುವ ಹಕ್ಕಿಗೆ ರೆಕ್ಕೆಯಾದೆ 

ಕೊನೆಗೆ ಈ ಕವಿತೆಗೆ ಶಾಯಿಯಾದೆ !